पोखरा रोयलको २३औं वार्षिक साधारण सभा सम्पन्न

पोखरा । 
पोखरा रोयल बचत तथा ऋण सहकारी संस्थाको २३औं वार्षिक साधारण सभा सम्पन्न भएको छ । सभाले सहकारी क्षेत्रमा देखिएको समसामयिक समस्या समाधान गर्न र सदस्य सेवाका लागि १० वटा संकल्प प्रस्ताव र सदस्यहरुलाई ९.४८% शेयर लाभांश प्रदान गर्ने प्रस्ताव समेत पारित गरेको छ । 
सहकारीले कारोबारको आधारमा बचत तर्फको कारोबारमा २.१३ प्रतिशत र ऋण तर्फको कारोबारमा २.२३ प्रतिशत अतिरिक्त लाभ वितरण गर्ने प्रस्ताव पारित गरेको छ ।
सभाले सदस्यहरुबाट प्राप्त सुझावहरुलाई मार्गदर्शनको रुपमा ग्रहण गर्ने, नियामक निकायबाट जारी निर्देशनको पालना गर्ने, सुखी सदस्य दिगो सहकारीको परिकल्पनालाई साकार पार्ने, वित्तीय सुशासनलाई पहिलो प्राथमिकतामा राख्ने, नीति, विधी र प्रविधीको उच्चतम प्रयोग गर्ने, वर्तमान असहज वित्तीय अवस्थालाई अवसरमा बदल्ने र पोखरा रोयल सहकारीलाई समुदायको पहिलो रोजाईको संस्था बनाउने जस्ता संकल्प प्रस्तावहरु पारित गरेको छ । यसरी नै संस्थाले सदस्य वृद्धि, बचत वृद्धि, ऋण वृद्धि र कूल वासलात वृद्धि गर्न मिसन १०० जस्ता गतिविधी गर्ने समेत सभाले निणर्य गरेको छ । 
सहकारीले प्रमुख कार्यकारी अधिकृत भीम गुरुङ्ग वर्ष २०२४ को उत्कृष्ठ सिईओ (नेफ्स्कून) घोषणा, केशवप्रसाद ढकाल कास्की बचत तथा ऋण सहकारी संघको लेखा समितिको संयोजकमा निर्वाचित, मूख्य प्रवन्धक मीलन ढकाल, प्रवन्धक परमेश्वर दाहाल र अधिकृत उमनाथ आचार्यलाई २५ वर्ष सेवा गरे वापत रजत सेवा पदक, अधिकृत विजया श्रेष्ठ, सुपरिवेक्षक मन्जु दाहाल र म्यासेन्जर पूजा गुरुङ्गलाई दशक सेवा पदकबाट सम्मान गरिएको छ । त्यसै गरि मदन कुमारी गुरुङ्ग र झमान सिंह गुरुङ्गलाई वर्ष उत्कृष्ठ सदस्य र म्यासेन्जर संगीता गुरुङ्ग वर्ष उत्कृष्ठ कर्मचारीको रुपमा सम्मानित भएका छन् । 
त्यसै गरि लघु बचत समूह तर्फबाट उत्कृष्ठ हुने केन्द्रहरुमा स्वाभिमान रोयल केन्द्र, वनपोखरी रोयल केन्द्र र अम्बिका रोयल केन्द्र रहेका छन् भने उत्कृष्ठ सेवाकेन्द्र तर्फ दुलेगौंडा सेवाकेन्द्र र उत्कृष्ठ बाल बचत तर्फ रोवेन थापालाई नगद र प्रमाणपत्रबाट सम्मान गरिएको सूचना अधिकारी ढकालले बताए । संस्थाका अध्यक्ष रुद्रकुमारी गुरुङ्गको अध्यक्षतामा भएको एकाई प्रतिनिधीहरुको निणर्य प्रमाणिकरण सभामा उपाध्यक्ष क्या.चन्द्रप्रसाद गुरुङ्ग, सचिव केशवप्रसाद ढकाल, लेखा समिति संयोजक हर्कबहादुर गुरुङ्ग, प्रमुख कार्यकारी अधिकृत भीम गुरुङ्ग, सल्लाहकार एक नारायण शर्मा ढकाल, मूख्य प्रवन्धक मीलन ढकाल तथा युवा उपसमिति संयोजक रोजिना श्रेष्ठ लगायतका वक्ताहरुले समितिको प्रतिवेदन, एकाई सभाको जानकारी र समसामयिक विषयमा बोलेका थिए । संस्थामा ९ हजार ३ सय ५६ जना सदस्य रहेको छ भने संस्थाको कूल वासलात २ अर्ब ५२ करोड बराबरको रहेको उल्लेख गरेको छ ।